Wiki Kotavafa Xadola | Rekluexo / Kraimol browse

Burupera Bubetara Bunovekseem Izvot Kalvajara

Kraimol

Kraimol
"Panthera pardus" katca

1. STAAVEEM :

Tcabanherabrube ke kraimol tir gundapafe gu tele ke ar panthera katcolk. Kevoke linulara moi tuawalkara tir antafa : wivga ko aal zo tidburer batinde varze ar ronaris wivgasik iku awalkodatorik zo kobravar.

Lum ke kraimol tir walef gu pinaf felidae yasolk isu gijaf (krapol ik jaktol). Ostik dene intafa yasa kraimol va aptaca me dir. Intaf Ť mialukaf ť dralaceem nover da in va jontika wivginda grusaver. Batcoba va boniara va sulemxopo puon al tukuvar lize in va beta wivga saver.

Dum jontik felidae dunol isu ar moukdunol, lan kraimol se tid ebeltaf. Alma is mhot va tokodapa dem ebeltafa lhova (melanina) koegid. Baton, ebeltaf kraimol tir betukewenaca vols pilkovaf apt. Vanmiae milaf kraimoloceem, ebeltaf sulem yo kontomon koblid.

2. APTEEM :

Afrika
   ■ Panthera pardus adersi (Zanzibar kraimol)
   ■ Panthera pardus jarvisi (Sinay kraimol)
   ■ Panthera pardus melanotica (Gefa Afrika kraimol)
   ■ Panthera pardus nanopardus (Soomaalia kraimol)
   ■ Panthera pardus panthera (Lentefa Afrika kraimol), mon 250 olkik
   ■ Panthera pardus sindica (Getaltefa Afrika kraimol)
   ■ Panthera pardus suahelica (Ronefa Afrika kraimol)

Asia
   ■ Panthera pardus saxicolor (Kavkaza ? kraimol)
   ■ Panthera pardus delacouri (Geronefa Asia ? kraimol)
   ■ Panthera pardus fusca (India ? kraimol)
   ■ Panthera pardus japonensis (Nipona ? kraimol)
   ■ Panthera pardus kotiya (Sri Lanka ? kraimol), mon 20 olkik
   ■ Panthera pardus melas (Java ? kraimol)
   ■ Panthera pardus millardi (Kacmira ? kraimol)
   ■ Panthera pardus nimr (Araba ? kraimol), mon 20 olkik
   ■ Panthera pardus orientalis (Amur kraimol), mon 120 olkik
   ■ Panthera pardus pernigra (Nepala ? kraimol)
   ■ Panthera pardus saxicolor (Afganistana ? kraimol), mon 130 olkik
   ■ Panthera pardus tulliana (Turkia ? kraimol), mon 250 olkik