1. STAAVEEM :

Jaktol sol ar felidae dunolap kan tridekiraf imeem va int palsenhes koe aalanameda. Jaktolye tir yinaxeemiskafe vexe mantafa taka tir dem vokef aultoves is aftaf tcorimeem.

Granaf (in tir tel logijaf felidae yasolk) is woes, jaktol rotir cugon 350 kg- aldo (Sibiria jaktol). Antiafe dum bete felidae dunolye (rade krapolye), jaktolye va tawavo ruldaso va telo ke konaka jaktolya digir. Tison antafa jaktolya va jaktoloceem varter. Ikralukrilu moni tolda/barda zo zomer. Jaktolya tir legijafa is legamiafa dam jaktolye.

Tcabanhepesik, wori jaktol va wivga me lidrikon zomer. Fereon 15 ok 20 lwira tid adrafa ta gralomera va werdtorik. Vanmiae werdapxo in palsewer lize intaf trideeem va kotunafi mastusiki dafur. In va 15 ok 18 kg- atela vielon malestur : geltron, va akenafa estura askir voxe nelkon getiner.

Lekeon koe Geronefa Asia? is Sinia? is Istefa Asia mantapon tiyis, jaktol kotlize batvielon zo dratcer. Baroy ke anhustoy grupen apt tid awalkenaf : Bali jaktol, tel lopinaf griawiyis bak 1940 sanda, Kaspa jaktol griawiyis bak 1970 sanda is Java jaktol.

Rotuldinet da lo 5000 vox le 7500 govitaf jaktol ware co-lapted (fuxe 300 000 bak XX-eafa decemdatoza). Ar apt yo tid Sibiria? jaktol (tel logijaf) is Sinia jaktol is Bangla? jaktol is Sumatra? jaktol is Indosinia jaktol. Kot evlamon dratcemen ok dratcepen.


2. APTEEM :

   ■ Panthera tigris altaica (Sibiria jaktol)
   ■ Panthera tigris amoyensis (Lentefa Sinia jaktol)
   ■ Panthera tigris balica (Bali jaktol) awalkenaf
   ■ Panthera tigris corbetti (Indosinia jaktol)
   ■ Panthera tigris sondaica (Java jaktol) awalkenaf
   ■ Panthera tigris sumatrae (Sumatra jaktol)
   ■ Panthera tigris tigris (Bangla jaktol)
   ■ Panthera tigris virgata (Kaspa jaktol) awalkenaf

• Bliopa?
  • Pulara va apteem?
    • Mammalia pula
      • Felidae yasa
• Asia?

Felidae yasolk yo

abrugol? - batakajaktol? - batakakrapol? - cuskol? - djampol? - jaktol? - karvol? - kraimol? - krapol? - lotkol? - mutcol? - narmol? - pekeol? - rancol? - tukrunol? - uksabol? - wasol?