1. STAAVEEM :

Dum bet felidae yasolk, krapol tir wivgasik (tel lodontinaf afrikaf), katcton awalkodatorik. Milgafe krapolye wali enintera va tawavo is tildera benelon ugalar. Krapolya se va tcabanhera se benelon geltrad batinde va se krapolye is krapoloc eksad. Sin va kiblana wivga tixolon ivamudad, konak turowinaweson bak da arte solumama va bata ar se palseson lentetid. Aze tanoya ik toloya tcabanhesa krapolya vox dere kontomon tanoye krapolye kalion gu 40-60 km-/b- dilfud.

Va « sulemgazik » yolt pu granaf is ilamkaf in ayik al zilir. Tana lowoesaca ke krapol tir gijarotifa puda : in tir tel antaf felidae yasolk geltron krapolies ise bate ie tir woenhese. In moekote titawaltason krapolier (tanbartivcekon grupieson), lanon ta da walzer da tir tawavofeliik.

Ara katcalafa staava ke krapol tir yinaxeem, toleodafa ikracanha novesa va solwira va krapolye ok krapolya (ikrafa soltazukara). Bat tir moe epiteem is berga ise tir ton lodorikafa kseva dam tela ke imeem. Inafa yorda va sepura va doalieson inhara se ke kevlikeem co-nover.


Lan sulem se icden gan pilkovafa betukewera koblid batakaf ise zavzad.


2. APTEEM :

   ■ Panthera leo atrox
   ■ Panthera leo azandica
   ■ Panthera leo bleyenberghi
   ■ Panthera leo europaea
   ■ Panthera leo fossilis
   ■ Panthera leo hollisteri
   ■ Panthera leo krugeri
   ■ Panthera leo leo
   ■ Panthera leo maculatus
   ■ Panthera leo massaicus
   ■ Panthera leo melanochaita
   ■ Panthera leo nubica
   ■ Panthera leo persica
   ■ Panthera leo senegalensis
   ■ Panthera leo sinhaleyus
   ■ Panthera leo someliensis
   ■ Panthera leo spelaea
   ■ Panthera leo vereshchagini
   ■ Panthera leo verneyi

• Bliopa?
  • Pulara va apteem?
    • Mammalia pula
      • Felidae yasa
• Afrika

Felidae yasolk yo

abrugol? - batakajaktol? - batakakrapol? - cuskol? - djampol? - jaktol? - karvol? - kraimol? - krapol? - lotkol? - mutcol? - narmol? - pekeol? - rancol? - tukrunol? - uksabol? - wasol?