Ba 10/09/1771 koe Fowlshiels koe Scota Mungo Park kobliyir. Abdi selaropafa vayara, vanpiyir nubaroperopik. Koyaraskeweson vanpiyir baltanaf ta kosmara va klita ke Niger kuksa.

Mungo Park va trenara va vestara ke Houghton ve drageyer. Va koyara tandon egayar aze ba 22/05/1795 va Engla? ve mallapiyir. Ba 21/06/1795 va Gambia kuksa art kallapir aze kal Pisania kazafo xo va kuksa ve titlapiyir. Va abica xofa afoka ve raveyer aze bak 12^-aksat 1795 koo gola va koyara ve tozuyur.

Va Senegal kuksa in ve remlaniyir aze va Mule gola az Bondu gola az Kaarta gola ve worayar. Gan Maurik se zo ve sopeyer aze balemaksaton ve tiyir flintaf lize wetce levetirik gan Ali sinaf okilik ve zo askipeyer.

Adim va otcera in kiewaskir. Tison antaf, gelanir ise va mano kusto abrotcion koolanir. Arti baroya safta, noon enmejeson is aelepeson is siputnakenon, va Segou widava adim artlanir lize va Niger kuksa taneon wir.

In vofar da Niger kuksa vion ronon traspur. Tison volkeaf ta kosmara va kuksaxo, va mon 110 km kenlanir. Wori puskewer is tir akolaf maneke da va dimlanira va Segou? di gorar. Vexe zdarion walzeyenon gan patctolaf nik se da koe bata widava olgalicuyuna gan intaf savsaf fuxedjik di co-tir kowupen ede co-dimlanir, Mungo Park van Kamilia ara widava remo mevtavaxo gelanir.

Ko Kamilia dene Manding sane puskepeweyeson in ve artlaniyir aze wale blira is awalkera konakvielon ve zavzayar. Radimi da tolvanpiyir galamaf, ve gorayar da do levetiriktermta lanisa van krimt va int zokeveyer. Ba dimlapira koe Engla, arti tevoy aksat, va kridjoveks va intafa koyara ve tusanegayar.

Bak 1798 in va int kurer ise koe Peebles koe Scota? va ilput fenkur. Vexe bata deblitafa blira va in vol rwaver. Acum bak 1803 va firvira ke bowere ta stara va warzafa brinuga ko Niger kuksa in daavon naler. Ba 30/01/1805 va Gorée brinuga bulur. Golde muvugal kaiki portapafa koyara ko Bamako va kuksa artlanir. Koe Sansanding va tota ta tidlapira va Niger kuksa in di asvegedur. Nekev volfakaceem, ken 1600 km ve tidlapiyir kali da gan Hausik yo zo ve dilfuyur. Icmilon dam intaf gositik se zawe toloy ve wizuweyer.

• Travels in the interior districts of Africa (London, 1799)
• The Journal of a mission to the interior of Africa (1815). Kridjoveks va taneaf pak ke toleafa vestara

• Tawava?
  • Afrika
• Izva?
  • Izva ke Afrika

Vestasikeem va Afrika

Tristan da Cunha - Francisco de Almeida - Heinrich Barth - Abu Abdullax Muxammad Ibn Battuta - Louis-Gustave Binger - Vittorio Bottego - Pierre Savorgnan de Brazza - James Bruce - Richard Francis Burton - Diogo Cão - René Caillié - Verney Lovett Cameron - Hugh Clapperton - Bartolomeu Dias - Dinis Dias - Dixon Denham - Henri Duveyrier - Gil Eanes - Eudoxe de Cyzique? - Charles de Foucauld - Fernand Foureau - Alexander Gordon Laing - Xannon - Herodote - Amédée-François Lamy - Leon Afrikik - Dragutin Lerman - David Livingstone - Jean-Baptiste Marchand - Pedro de Mascarenhas - Gustav Nachtigal - Mungo Park - Fernando Póo - Gerhard Rohlfs - Alexandro Alberto Serpa Pinto - John Speke - HenryMorton Stanley - Marcel Treich-Laplène - Zheng He

Scotaf vestasikeem

James Bruce? - Richard Francis Burton? - Alexander Gordon Laing? - David Livingstone? - Alexander Mackenzie? - Mungo Park? - James Clark Ross? - John McDouall Stuart?