|
"Obdurodon dicksoni" dunol tir monotremata veemolk vuwaf gu gimpol. Batvielon, tanoya oria is konaka talga anton al zo trasid.
1. Jadiaceem
"Obdurodon dicksoni" dunol bak 1984 gan Michael Archer is F- A- Jenkins is S- J- Hand is P- Murray is H- Godthelp koe Riversleigh koe New South Wales (Australia) zo kosmayar lize bak mialukafa is noeltafa miova? bliyir. Kan oria is konaka tcastafa talga adalawer. Nekev konaka amidapaca va witaf gimpol altokon vektayar. Koe Queensland Museum koe Brisbane vuestese zo vider.
2. Amidacapa se wal "Obdurodon dicksoni" dunol is gimpol
Taneon, "Obdurodon dicksoni" dunol tir logijaf dam gimpol. Toleon "septomaxilla" (tideprijustki) tir lopwertafa is lodabrotcafa dene witaf gimpol, rotir nume va kaiklumaf oral dir. Bat oral va vizuafe fe dem anamefa niska dir, volse dene gimpol tir V-koraf is tideon meartlanaf. Ostik co-nuvelar (tornoce oraltazuk) da "Obdurodon dicksoni" dunol suxason va kuksadom gestuweyer solve da gimpol va kuksaludev joxar. Bareon, sonakoraf vitask is gentimaf vitask ke "Obdurodon dicksoni" dunol dene gimpol riwe mea krulded. Acum kavaniksantuwes kir mea olegan relteem ke gimpol al griawiyir. Trabe yuparabrube ke "Obdurodon dicksoni" dunol tiyir amidafe gu tele ke noelaf gimpol. Batdume oria ke gimpol tir vakrileon azemafa. Adim "Obdurodon dicksoni" dunol va delporeem dir voxe gimpol va keratinatixeem faver (anton gimpoloc va talgeem dir).
3. Talgeem
Oye da talga se nelkon al zo dimtrasid, tir tele logrupene ke "Obdurodon dicksoni" dunol. Dum gimpol, ika vabdutalgeem is mhasteem in va gabes xedeem dir. Moe titeprijust va toloy abdudelpor is baroy delpor kotkrilon burer. Taneaf delpor va tevoye zae dir ise toleaf va aluboye ise bareaf va tanoye. Tideprijust va toloy abdudelpor isu delpor kotkrilon ruldar. Taneaf delpor va tevoye zae voxe toleaf va balemoye. Kot abdudelpor va tanoye zae is amidapaf delportazuk dir. Sol gabes xedeem talgiskaf seg solparsar. Delporzae va balemeacama ke sona kaatoer. Oye da delpor yo solparsayan benu oria anton al zo dimtrasid, batcoba askir da trakut da sin me delon tiyid titickanaf.
|
|
Ara ava se
 Obdurodon dicksoni
 Obdurodon dicksoni
 Obdurodon dicksoni
 Obdurodon dicksoni
 Obdurodon dicksoni
 Obdurodon dicksoni
 Obdurodon dicksoni
|
