Jack Kerouac (intaf ageltaf yolt tis Jean-Louis Kerouac) va kolamanafa francavacanadafa yasa pasuyur. Radimi jonvielemera koe Columbia kotla lize va nugaviputi ektudar, va konaka exava funter : birelik az divmonasik az nubakobasik akz-. Mali yilu div kota gimbafa anameda va int rundar ise dakter da tir mivraves.

Zobenon gan Allen Ginsberg is William Burrough nik se, bak 1950 va "The Town & The City" taneaf berpot sanegar. Konaka tanda di dilized abdi da in tolon zo sanegar. Va patcta kotnion koolapir ise aneyar da va lonuyafa suterinda se bagalar. Va mivokafa veda ke twa se ke Neal Cassady nik baton malgruper.

Turkon tir koe San Francisco? da aname "Beat Generation" baton yoltayan gan Jack mafelasacama toz reduwer. "On the road" berpot bak 1957 adim zo sanegar nume Jack vanpir "beat" brija ke saneg. Vexe lente mana saneaca kategijir. Ostik, Kerouac turestan gan gadikya va viderevanhafa gaderopafa trakula dir. Va "hippie" vodeem ke 1960 sanda divtirkar.

Rilizan gan ruyat is benzedrina awalker 47^-daf me rotukramayason va klokera : va kagluyara va intaf grabomeem, dum Balzac? ok Proust?, kan "Vunda ke Duluoz yo" oxif vergumvelt.

• The Town & The City (1950) – Widava is wid
• On the Road (1957) – Moo vawa
• The Dharma Bums (1958) – Dharma wipitesikeem
• The Subterraneans (1958) – Levetawaceem
• Mexico City Blues (1959)
• Maggie Cassidy (1959)
• Dr. Sax (1959)
• Tristessa (1960)
• Lonesome Traveller (1960) – Antiaf keldusik
• Scripture of the Golden Eternity (1960)
• Book of Dreams (1961) – Klokaraneva
• Pull my Daisey (1961)
• Big Sur (1962)
• Visions of Gerard (1963)
• Desolation Angels (1965) – Erolas gelikeem
• Satori in Paris (1966) – Satori koe Paris
• Vanity of Duluoz (1968) – Greciilu ke Duluoz