Zuxol
Zuxol
"Okapia johnstoni" katca
1. KUSTROL ? KOSAYIK… :
Henry Stanley tir tel taneik pimtas va bat divulaf moukdunol.
Harry Johnston, rilitaf, kiewaskir da va in tcaluter nume yoltar.
Anton tir bak 1901 da zuxol wetce warzafa katca, pulana vanmia okoleem?, zo kagruper. Aze arti konaka tanda rindera va oria askiyir da … vanmia kustroleem tenon zo pular ! Acum tir kosayik, tel antaf kosayik, ke kustrol.
Lum ke zuxol tir 1.08 m- tide rabila ise aldo cugon 230 kg-. Tazuk tir gundamafa gu tel ke kustrol : alto tir trelaf is granaf, vadimeinheem lotrelaf dam vabdueinheem (yoke kurd lodomaf dam epiteem batcoba va milafa laniga dam bat sulem askir) ise in va blagutalhafa torstava digir. Wori berga tir ledabrotcafa is lovafa dam tela ke kustrol. Va niskafa nolama se dem moefa alma, vonewesa wali tanda is alubda, zuxolye digir. Oblakeem tir mantaf is rozekas. Ronaris yoy tir ebeltaf is abrotcaf gu 30 ok 50 cm- ; in va sinka kanon grunarir ise va varafo alto grutcater. Trelaf imeem tir sabukaf moe alto dem ebeltafe is batakafe tride se moe inheem is kurd. Taka tir dem batakaf krets moe tcor.
2. PILKOVAFA LANIRA :
Bat aalaf kustrol rontalton lanir, dum kustrol, trabe va belcaf ronef inheem ute tukevolara (inde tel lo baleminhakirik) is abdulanira kan ronefa vabdueinha do taltefa vadimeinha.
|
|
Giltafa pulara |
Bliind | Animalia |
Dansok | Chordata |
Volveydansok | Vertebrata |
Pula | Mammalia |
Volveypula | Ruminantia |
Veem | Artiodactyla |
Yasa | Giraffidae |
Aldo | cugon 300 kg- |
Lum | cugon 2.5 m- abrotc- is 1.5 m- ontin- |
Genasbalarugal | 14-15 aksat |
Nasbanikota | tanoy |
|
|
|
|
|
|
Ara ava se
|
Xadolaki se
Kotava Winugaxo - Kotava Avawiki - Wikikrenteem Nuyanevaxo - Kotava Tolavaravlemeem se - Kotava Dokalixo