1. STAAVEEM :

Yiwol tir tel lodontinaf blis primates dunol.

Kevie foline ke savsafa koyarafa nega se, yiwol tir bruxatoraf sulem, nelkon toatoraf (cugon 200 bruxinda koe tuwava). Inaf lumap is woes talgeem is roxanhas reltapeem tid zalenaca yo va bate volkulafe sinkaracave vebase da in konakbartivon egupar.

Yiwol lospon gu 5-10 olkik blir lize felise yiwolye (dem moavukafe ge, maleon inaf kontomaf yolt) is milgafa yiwolya se do yiwoloceem is konake lojotafe yiwolye tid.

Beka leve bwaalxo tanon blis, yiwol bak 90% ke kruldesilu moe sid ugalzer lize va tel lo blot se trasir. Ba siel, ton vaf ilavot va bruxa se esbar. Mana begama loviele moe sid vox kontomon moe omafa aaliriga tir. Yiwol tis alizmonaf tawavoiskamaf, batsielon va warzafa begama vegedur. Inafe laniracave tir zalenafe gu manu sidafu kruldesilu. In tir vabdueon wegrizobes (altoaldo daykeso moe nubawegrieem) vox vadimeon texzobes. Basaalara is tadura va laptera ke bat sulem dratced, moekote va mevtayiwol. Rotuldinet da mon 120 000 azekayiwol vox le 500 mevtayiwol anton zavzad.


2. APTEEM :

   ■ Gorilla gorilla : Yiwol ke Talteafrika
   ■ Gorilla gorilla gorilla : Yiwol ke azeka ke Talteafrika
   ■ Gorilla gorilla diehli : Yiwol ke Cross kuksaxo
   ■ Gorilla beringei beringei : Mevtayiwol
   ■ Gorilla beringei graueri : Yiwol ke azeka ke Roneafrika.