Waikoy
Waikoy
"Struthio camelus" katca
1. STAAVEEM :
Waikoy tir teli lodontinafi sveri. Va abrotcafa berga is takama is zegodafo alto is abrocaf reltkiraf inheem digir. Wilteem tir trelaf is dem tulwaf bruxeem. Waikoy tir teli sveri anton digisi va toloy gelt fuxe inha. Beka tis logamiaf ta talara, katcalon kalion is altokacagison gruvulter : loon dam 50 km-/b- bak mon 30 verast.
Waikoyye va ebeltaf bruxeem is batakaf wiltbruxeem digir ; waikoyya is waikoyoc tid bertraf. Batinde varze wivgasik mastuwed.
Bak nalbalkerugal, waikoyye vanmiae intafo tawavo ko sid va konaka tceldama suxar ; waikoyya va tana bam kiblar nume va mon san-toloyo ato (koto ato tiso 1-2 kg-) koon daykar. Ara waikoyya se (kontomon lo tevoya) dere pid ta da atoad ; tele antafe digise waikoyye isu waikoyya va atoeem di kalsud ise di cwad aze va waikoyoceem di varted.
Lekeon plenaf gu kotrafa taltefa Asia is varafa Afrika, rone is gee Afrika waikoy batvielon anton zo kimar. Kore vartera arlize zo funter.
Mialalizmonaf, ta trasira va malestuna ruxa yo isu sulemam se waikoy grupexuleper.
|
|
Giltafa pulara |
Bliind | Animalia |
Dansok | Chordata |
Volveydansok | Vertebrata |
Pula | Aves |
Volveypula | Neornithes |
Veem | Struthioniformes |
Yasa | Struthionidae |
Aldo | cugon 120 kg- |
Lum | cugon 2.5 m- |
Genasbalarugal | |
Nasbanikota | tanoyo ok toloyo ato |
|
|
|
|
|
|
Ara ava se
|
Xadolaki se
Kotava Winugaxo - Kotava Avawiki - Wikikrenteem Nuyanevaxo - Kotava Tolavaravlemeem se - Kotava Dokalixo