Fuzol
Fuzol
"Loxodonta africana" katca
1. WOES LUM :
Fuzol tir tel noelaf lopwertaf tawavaf sulem. Milgafe fuzolye rotir cugon 7000 kg- ba alubsanda is cugon ontinaf gu 4 m-. In tir tolon is mialon logamiaf dam troskol, 4-on ok 5-on dam beicekol.
2. BLIRASOK :
Fuzol ta sinkaneyara va lo 20 b- tandon ektur. Batcoba va vonewera ke talgaveem is sokra tukuvar. In va ontinafa gamapa se tukeon grunarir ise va aalam yo grubalier ise va tawa grusuxar. Va zolonafi logasiki digir ; lanhey loon tir 35 m- is virga mon 1.5 m-.
3. TAZUKOPA :
Sokra, tadlenafa gu tidekutc is pez, tir ronarisa vila favena ta sinkebidura is ulira. Va peztalera va dakela nover ise va kagaelara zanudar (vaon pimakoron faveson fuzol levolavon grupujer) ise ervokoron zo rofavlar. Koblinaf fuzoloc ta ulira me faver, vexe dum bet moukdunol mouvar. Fuzol va mhasteem me digir ; talgaveem tir tidef mhasteem kotvielon atris. Delpor se is abduedelpor yo, tevoy fuxe prijust, darpe da roxanhara tulamenar, vabduon arplekuwed. Divrundawed nume gan tel radimef yo zo ikarundad (ironokafa talga ba 33-da vox taneafa ba 3-da kozwir). Moni 60-da ok 65-da, ironokafa talga luber nume sulem aelawalketer.
4. SELTABLIRA IS NASBALKERA :
Ton milkavama dem konaka fuzolya isu intaf fuzoloc is konak ar memilgaf fuzol. Tela loklaafa fuzolya va lospa star, kontomon konaktandon (gadikyaf bolk). Fuzol tir arevaf : viele tan tir akolaf ok bakayan, ar se vaon levgid ise lwid da kamadad ; ba nasbalara fuzolya se tid aname gadikya ise bas koptabewoteem va fuzoloc pomason da in ranhar grikted. Moni 11-da, jotafe fuzolye zo divlospar nume mallanir ta da vanmia kaelikeem blir. Milgafe fuzolye tir antiafe.
5. AMIDACEEM VARZE ASIAFUZOL :
Afrikafuzol tir : ■ otceso jo, fereon dem istef ralk ■ sokra dem artef toloy gelt (vox tanoy dene asiafuzol) ■ logijaf oblakeem ■ logranaf sulem ■ fuzolye is fuzolya va talgaveem (pinapaf dene asiafuzolya) digid
|
|
Giltafa pulara |
Bliind | Animalia |
Dansok | Chordata |
Volveydansok | Vertebrata |
Pula | Mammalia |
Volveypula | Theria |
Veem | Proboscidea |
Yasa | Elephantidae |
Aldo | cugon 7000 kg- |
Lum | cugon 4 m- |
Genasbalarugal | 21 aksat |
Nasbanikota | tanoy ok rion toloy |
|
|
|
|
|
|
Ara ava se
|
Xadolaki se
Kotava Winugaxo - Kotava Avawiki - Wikikrenteem Nuyanevaxo - Kotava Tolavaravlemeem se - Kotava Dokalixo