Zanzibar tir golawidot, rone Tanzania, koe Zanzibar ewala?.

Izva ke bata widava, ixam grupena gan totasik yo is koyasikse ke Abdiugal, tison kelu do tela ke intafa ewala ke India welfa kagluyawer. Zanzibar, kereleyenon mali IX^-eafa decemda gan Arabik yo, ve tiyir digiks ke Kilwa sultanik kali tena ke XVI^-eafa decemda ugale Portugalik se va krimt ke Roneafrika kallakiyid. Ta ruyera va felira va gola, Oman sultanik bak XVII^-eafa decemda va int koon inkeyer. Bak 1890 ve vanpiyir britaniafa nendareba. Zanzibar tuke wulakazara is levetirikbutcara va kulilu is kaliafa divlizera daneyer. Va int betayanon van divburera va luminda is onara, Zanzibar va arabafa adalapa batvielon atoer ise va jontika savsafa kolna digir. Vegedunaf moe bargentimafa degama, septaf biraludevap se anameon tison, in tir tegirapaf kazaf is remdolekaraf molt. Nelkafo skapaxo ke ewalafa Tanzania, widava tir xo dem rabama (solpaxe va lumindaalpunta is piaalpunta is kabaygaeziaxe ikz-). Karolapano koyutarulaxo, Zanzibar va severoxo vielon konakviele kagluyaso va Dar es-Salaam digir.

Zanzibar male vedil

Zanzibar male vedil

Zanzibar male vedil

Beitaljeb kolna

Guazafolk ke Zanzibar

Berm koe Zanzibar

• Afrika?
  • Tanzania?

Widava yo ke Tanzania

Arusha - Dar es-Salaam - Dodoma - Iringa - Kigoma – Mbeya - Morogoro - Moshi - Mtwara – Musoma - Mwanza – Songea - Shinyanga - Tabora - Tanga - Zanzibar