|
Luzeem
1. Xanteem
2. Europafa koara is boniara
3. Volruptesuca
|
1. Xanteem
Izva ke Togoa tir gluyanafa gu tela ke intaf vegungikeem : ke Ghana is Burkina is Benina is Nigeria. Moo mivirubafo bo lamara se va sint al gamdawed : Ewe is Yoruba geu Benina is Bariba ke Kouande is Tyokossi mal CoteIvoira is Fanti mal Ghana is Kotokoli mal Burkina.
2. Europafa koara is boniara
Mali 16-eafa decemda kali 19-eafa, se portugalik? is danmarkik? is dere francik is britik va levetirafa kazara kalvoned, nasbason va tizaca yo is saneliakolizira se. Tela logrupena yo tid tela se ke Ewe sane?. Bak toleafa miala ke 19-eafa decemda, piaruntakaza va levetirikmordara ikarundar nume europaf play se ken krimt zo exoned. Aze akvava se (1885-1886) kapbure Franca is Engla? va germanafo turestaxo ninked. Bak 1884, Nachtigal germanaf vestasik do konak okilik icde nendaxo biogar ise kan Togoa va patcta yoltar. Azed ta bolkafa vonera gan Germana? zo bokar. Radimi surtera va Germana ba 1918, Togoa bak 1919-1922 ton konako foxiegaxo zo pakar. SDN? grustaks va taltexo pu Brita is va toloya bareaca ke patcta don krimtxo pu Franca gar. Bak 1946 Togoa va GTV? (UNO) zo adomtar, dere koason va Francafo Katanaxo. Bak 1956, lentexo ke britafa Togoa ta da va Ghana zo kavaniksantur brudar.
3. Volruptesuca
Tuvolruptesasa bak 1960, Togoa gan Sylvanus Olympio? surimano gan geexo zo gader. Jupason va sostarevafa is rictulokafa gaderopa, in kalion vanpir volsanef nume bak 1963 zo adjuber. Sayakafa kevsokara bak 1967 va Eyadema vombik xantaf gu lentexo ke patcta korotir. Sedirgeson askir da warzafa tadlemwa zo vanovar, dana mo tanafo pako (Rassemblement du Peuple Togolais) va int zobeson va vamoekuca ke Taneagadesik ke Sokasane ravaldur. Bak 1986 kevsokarayovara kev vertuma kan pomara ke francaf sayakik yo zo ruur. Bak 1991, xuvanon gan sane battan va pendera va jonpakoeva is dilizera ke vedeyafa laxa naler. Malion, nekev rotilkadena gaderopafa is seltafa lidawicka (jadif yast yo, tizafa rujara, otcepera ke gelbenik se), Etienne Gnassingbe Eyadema?, zobena gan ervolia, askir da ba 1993 is 1998 zo tollibur. Dilizenhera ke bat varos gan tsunesikeem is walvedeyaf disvesikeem zo moakler. Koboda kev tsunesikeem is taltekafa xuvara se wori jupad da Eyadema taneagadesik va walpira ke "tulodrikasik" se naler. Bak 2005, inafa awalkera arti riwe 40 tanda ke mepakasa engazara, va melanafa rekola bokar.
|
|
