Orhan Pamuk
Orhan Pamuk
(1952-)
Turkiavaf suterotik
|
Orhan Pamuk ba 07/06/1952 koe kulamafa yasa koe Istanbul? koblir. Vanplatiyin gan yasa, va vegeduropafa vayara koe Istanbul kotla bokar. Vexe ta ektudara va sutera arti barda jovler. Bak 1979 "Karanlik ve Işik" _(Tapeduca is Afi) taneaf warzot zo sanegar. Radimi da felavayayar, ta New York? kotla va Turkia? konaktandon bulur.
Orhan Pamuk va jontiko poradro wayar, vanmiaeon va "Independant Award for Foreign Fiction" zolonafo poradro bak 1990 tuke "Beyaz Kale" (Batakalamone) izvaberpot. Battandon, koe Turkia va "Kara Kitap" (Ebeltafa neva) sanegar. Bata neva, beka intafe dre isu martig tid esaf, weber da va intafa fiuntuca tulopoar. Kiewatca trenar kan "Yeni Hayat" (Warzafa blira)neva isu "Benim Adım Kırmızı" (Jinaf yolt tir Kerik). Bata va se amidafi oxi isu wats, va tulon ardialnega ik berpotara ik trakopundera koe Istanbul bal XVI-eafa decemda, gilton aotcer. Martig ke Pamuk ugalon towar ise va radimiwitafe brube loloyovar inde intaf berpotap yo tugrupenayas koe Europa vrutad. Batcoba kapbure tuwaveva ke taneaf grabom se tir varafa betara.
Orhan Pamuk tir fitckiraf suterotik vox dere wideyik djumuxas va intaf gaderopaf trakuray. Koe "Kar" (Nolda) berpot sanegayan koe Turkia bak 2004 baton taneon askir. Koeon va islam is suptuca is italkkiruca is copuca is gracisuca va muxaranuyuca ikz- suler. Golde kaliks koe swizafa fela lize va xayastanafa saneatara bak 1915? ware stingason meusa gan Turkia soka is va lonoeltafa stakera se varze kurdik yo divrozayar, al zo onkar ise al zo arpeodratcer. Batkatcton va zobera ke jontik kotgrupaf sutesik, tulon Umberto Eco? is Mario Vargas Llosa? is Günter Grass al kazawar.
Bak 2006, intaf grabom kan gara va Nobel Suterotafo Poradro zo gabler.
|
|
Ara ava se
 Orhan Pamuk
|
Orhan Pamuk
|
|
|
|
|
|
Suterot se ke Orhan Pamuk
|
Kotava Winugaxo - Kotava Avawiki - Wikikrenteem Nuyanevaxo - Kotava Tolavaravlemeem se - Kotava Dokalixo
