|
Luzeem
1. Mossi gazaxo isu Gourmantché
2. Francafa boniara
3. Volruptesuca
|
1. Mossi gazaxo isu Gourmantché
Patcta, koe ronexo, gan Mossi? sane isu Gourmantché?, zabduyus va gejafo rayaxo se, zo kereler. Mossi sane, batvielon tela felisa lospa, va tuislamara acagir. Taltexo gan jontike sane (Dioula is Samo is Marka is Ga is Lobi ikz-) logaveon zo kereler. Bak 18-eafa decemda, Dioula? saneik se ke Kong gazaxo (noelafa Cote Ivoira) aname Bobo-Dioulasso va Gwiriko gazaxo redud.
2. Francafa boniara
Francik se bak 1890 va Mossi patcta taneatomon kolanid. Bak 1896, Gourounsi gola vanpir francafa nendasikeba. Bak 1899 Franca va patcta ten kalkereled. Ruldayana vanmia Haut-Sénégal-Niger (1904), Haute-Volta bak 1919 ton tawavo zo tadler. Pakayana bak 1932 wal Sudana is Cote Ivoira is Nigera, bak 1947 zo toltadler. Rassemblement Démocratique Africain (RDA) pako va gaderopafa divmodara va Haute-Volta tukuvar : bak 1946 Ouezzin Coulibaly intaf retik wetce krinanik zo libur. Bak 1958 Haute-Volta vanpir sokasane.
3. Volruptesuca
Bak 8-aksat 1960 volruptesuca zo etimar ise taneagadesikeba pu Maurice Yameogo zo odiar. Ervolia bak 1966 rotinarir. Sangoule Lanzana jadiwik, sokokilik, bak 1977 va wideytafi roti dimsular, vexe bak 1980 gan Saye Zerbo vombik zo vetrovgar. Patcta va rekola ke mebogruca bam koar. Toloya radimifa sayakafa kevsokara va Jean-Baptiste Ouedraogo dirgasik (11-aksat 1982) az Thomas Sankara? redakik (8-aksat 1983) korotid. Battan, tide Vedeyaf Pirdot va Artowara (Conseil National de la Révolution / CNR), va « sanerotifa is sanefa artowara » tulecana gan warzaf yolt (Burkina Faso va « Patcta dem jabudikeem » sugdalar) pu patcta bak 1984 sopur. Bak 1987, Thomas Sankara bal kevsokara eksudana gan rotinaris Blaise Compaoré? redakik zo atar. Battan mali 1990 kabur va tusanerotiasa abduaxa naavdasa va ikatcura va warzafa tadlemwa is ganon watana taneagadesikafa libura bak 1991. Bak 1998 tollibuyun, in va sposaca va febaf pofesik varze walvedeyaf miazilisikeem pojar. Voxe inafa olguca dolge tsunesikeem is bilita tuyena gan adjubera va felik (1998) va sposuca decenad. Inafa yorda koe golafa koboda se dere zo moakler.
|
|
