Amsterdam ewala

Amsterdam ewala

Lizukaf yolt : Ile d’Amsterdam

Patcta : Franca
Lizuk : Geefa India welfa
(37° 50’ G-, 77° 31’ R-)

Lodontine : Mont de la Dives (881 m-)
Krimteem : .

Welma : 58 km²

Sanelia : 0 elubkik
For : 0 ir-/km²

Widot : Martin de Viviès

1. Tawavopa

Amsterdam ewala tir francafa ewalama koe geefa India Welfa. Do Saint Paul ewala? (arte logeon 85 km-) va aptafa utca tadler, va tanoya ke aluboya utca ke Francafa Geefa is Antarktikafa Tawayeem (TAAF francavon).

Amsterdam ewala tir granamafa tculkxantafa ewala dem 58 km2. Tir 10 km- cugon abrotcafa (lentegeon) is 7 km- mantafa (talteroneon). Taltefa pakava tir domanafa gu ontinaf kirieem (400/700 m-) voxe ronefa pakava kale bira lozijnon tulodomawer. Mont de la Dives mevta, tele lodontine ke ewala, waltodar arte 881 m-. Raporaf is vurjiskaf krimteem va drikafa vantotara zawe lenton lize tir irubaxo me nover.

Inaf lidawijk tir zakodas welfaf, menoldas is metapas vox elubkon taltusukas. Ewala tir lolenteon dam "antarktikafo vanmilenidaxo", tuwavafa birakima wale idullaveem ke India Welfa is fentlaveem ke Antarktika Welfa?. Mesukason mialukafa yanka tir 16°. Vertokaya wegona tiyir 26° voxe lodomafa yanka tiyir 1.7°.

Tir meka irubasa sanelia moe ewala, vexe mali 1949 va opafa vuida se (dem mialukon 25/35 korik) Martin de Viviès ugalopafo irubaxo kotcadimon emuder.

Anamefa bira tir kabaykirapafa ise drajey (Jasus paulensis) tulon zo saver.


2. Izva

Nuvelar da Amsterdam ewala ba 18/03/1522 gan Sebastian El Cano taneon zo disveyer. Bak 1633 kan "Nieuw Amsterdam" totayolt gan Van Diemen xollandaf bowesik zo yoltayar. Bak 1692 Entrecasteaux francaf rambik sunolayar ise va ronef krimt taneon vrotcayar.

Wali 1842 is 1853, rictumon gu Mieroslawski redakik, irubaxomo moeon kruldeyer.

Bak 1892 Amsterdam ewala gan Franca winugon zo kodigir.

Wiks va Amsterdam ew-

Wiks va Amsterdam ew-

Martin de Viviès irubaxo

Martin de Viviès irubaxo

Se ewala is tursia koe geefa India Welfa

Amsterdam - Crozet? - Heard is Macdonald? - Kerguelen? - Prince Edward? - Saint Paul?